సూర్యాష్టకం

ఆదిదేవ నమస్తుభ్యం ప్రసీద మమ భాస్కర ।
దివాకర నమస్తుభ్యం ప్రభాకర నమోఽస్తుతే ॥ 1 ॥

సప్తాశ్వ రథ మారూఢం ప్రచండం కశ్యపాత్మజమ్ ।
శ్వేత పద్మధరం దేవం తం సూర్యం ప్రణమామ్యహమ్ ॥ 2॥

లోహితం రథమారూఢం సర్వ లోక పితామహమ్ ।
మహా పాప హరం దేవం తం సూర్యం ప్రణమామ్యహమ్ ॥ 3॥

త్రైగుణ్యం చ మహాశూరం బ్రహ్మ విష్ణు మహేశ్వరమ్ ।
మహా పాప హరం దేవం తం సూర్యం ప్రణమామ్యహమ్ ॥ 4 ॥

బృంహితం తేజసాం పుంజం [తేజపూజ్యం చ] వాయు మాకాశ మేవ చ ।
ప్రభుం చ సర్వలోకానాం తం సూర్యం ప్రణమామ్యహమ్ ॥ 5 ॥

బంధూక పుష్పసంకాశం హార కుండల భూషితమ్ ।
ఏక చక్రధరం దేవం తం సూర్యం ప్రణమామ్యహమ్ ॥ 6 ॥

విశ్వేశం విశ్వ కర్తారం మహాతేజః ప్రదీపనమ్ ।
మహా పాప హరం దేవం తం సూర్యం ప్రణమామ్యహమ్ ॥ 7 ॥

తం సూర్యం జగతాం నాథం జ్ఞాన విజ్ఞాన మోక్షదమ్ ।
మహా పాప హరం దేవం తం సూర్యం ప్రణమామ్యహమ్ ॥ 8 ॥

ఫలశృతి
సూర్యాష్టకం పఠేన్నిత్యం గ్రహపీడా ప్రణాశనమ్ ।
అపుత్రో లభతే పుత్రం దరిద్రో ధనవాన్ భవేత్ ॥

ఆమిషం మధుపానం చ యః కరోతి రవేర్ధినే ।
సప్త జన్మ భవేద్రోగీ జన్మ కర్మ దరిద్రతా ॥

స్త్రీ తైల మధు మాంసాని యే త్యజంతి రవేర్దినే ।
న వ్యాధి శోక దారిద్ర్యం సూర్యలోకం స గచ్ఛతి ॥

ఇతి శ్రీ శివప్రోక్తం శ్రీ సూర్యాష్టకం సంపూర్ణమ్ ॥